XVI. mendean Frantziako erregina ezkontidea izan zen Katalina Medicik asmatu zuen buffet-mahaia, bere oturuntza eta dantza erreal arranditsuetarako: produktu sorta handia osagarri egokiekin, mahaikideek nahi duten jaki-konbinazioa eta kantitatea aukeratu dezaten. Beraren arrakasta izan nahi baduzu, buffeta aukera bikaina da askotariko menu sinple eta erraz bat eskaintzeko. Gainera, astia izango dugu familiartean egoteko, kalitate eta gozatzeko aukera berarekin.

Barietatea eta itxura da gakoa. Elikagaiak ongi aukeratzen baditugu eta kantitatea ongi kalkulatzen badugu, asmatu egingo dugu, seguru. Itxurari dagokionez, funtsezkoak dira txukuntasuna eta garbitasuna: produktuak ez nahastea, jateko eta zerbitzatzeko erraza izatea, osagarriak mahai-zapian botata ez geratzea, eta hondakinak, azalak edo bilgarriak uzteko leku bat izatea. Dena da baliagarria arreta elkarrizketetan eta konpainiaz gozatzeko aukeran jartzeko.

BM Supermerkatuetan, erraztu egingo dizugu lana, askotariko gaztak, hestebeteak, plater prestatuak, entsaladak eta abar baititugu. Eta zalantzaren bat baduzu, zure platerak osatzen lagunduko dizugu urdaitegiatalean, ahaleginik egin gabe zure buffetak arrakasta izan dezan. Hemen 3 ideia afaltzeko edo mokadu-bazkariak egiteko:

Entsalada-buffeta

Letxuga ez da aukera bakarra. Entsaladak askotarikoak eta erakargarriak izan daitezke, eta ez zaigu gaizki etorriko askotariko entsalada-buffet bat menua zertxobait arintzeko.

1- Entsalada krudibeganoa: Kurruskaria, jende mota ororentzako testura desberdinekin.

2- Izokin entsalada ozpinetakoekin: Entsalada honetan, izokina da protagonista, verdea baino neurri handiagoan; beraz, zure mahaikideak ez dira haserretuko.

3- Misera entsalada: Itsaskia zerbitzatzeko modu original eta freskagarri bat (abakandoa, ganbak edo otarrainxkak) hosto berdeekin da.

4- Ahate entsalada laranjarekin eta granadarekin: Asiako janaria gustatzen bazaizu, gustatuko zaizu ahatea laranjarekin plater tipikoa gogora ekartzen duen entsalada hau.

Hestebete-buffeta

Hestebeteak, beren hamaika bertsiotan, elikadura osasuntsuaren zazpi bekatu nagusietako bat direla esan daiteke. Baina ezin diogu eutsi: inork ezin die ezetz esan hestebeteei, are gutxiago buffetean mahairatzen direnean.

1- Solomo iberikoa: Zenbat eta urdai gehiago, orduan eta hobeto. Txerri iberikoa da bere muskuluetan gantza infiltratzen duen bakarra (txerri zuriak ez bezala), eta horrek mamitsutasuna eta zaporea ematen dio.

2- Ahate bloka: Foie-emultsioa, % 100ean gibelarekin egina, beste haragi edo osagai batzuekin nahasi gabe. Oso zaporetsua, eta foie freskoa baino praktikoagoa.

3- Urdaiazpiko iberikoa: Gure hestebete nagusia, ia etxe guztietan gurtua.

4- Zezina: Askok diotenez, zezina on batek urdaiazpiko on bat ordeztu dezake. Oso zorionekoak gara haietako bat hurbil edukitzeagatik, Cecina de León identifikazio geografiko babestuaren bermearekin.

5- Ezkur txorizo eta ezkur saltxitxoi iberikoa: Zure BM Supermerkatuko urdaitegian moztuta eskatzen baduzu zein etxean mozten baduzu, saiatu xerrak produktuaren zaporea ongi hartzeko behar besteko lodierakoak izan daitezen.

6- Osagarriak: Hestebeteen kalitatea bezain garrantzitsua da osagarrien barietatea. Gakoa ogi txigortu eta piko kurruskari eta askotarikoak edota ukitu garratz eta gozoak dituzten marmeladak edo konpotak mahairatzean datza.

Gazta-buffeta

Gaztak modan daude inoiz ez bezala, eta gero eta barietate gehiago aurkitzen ditugu BM Supermerkatuetako urdaitegiko erakusleihoetan. Gazta-buffet baten arrakastaren gakoa da barietate desberdinak konbinatzea (zenbat eta barietate gehiago orduan eta hobeto), eta urdaitegi-atalean nobedade, jatorri, zapore edo testuren inguruko aholkuak eskatzeko inolako lotsarik ez izatea.

1- Gazta onduak erdionduak eta samurrak: Mantxakoa, comtea, gouda… Ospetsuenak izan ohi dira, eta ia denei gustatzen zaizkie. Ez dadila haien sorta bat falta zure buffetean.

2- Gazta urdina: Erdizka maitatua eta gorrotatua, bere itxura lizundua dela eta. Aukeratu gazta urdina egiten duten jatorri-deituretako edozein, eta eman bizitasuna zure buffetari.

3- Pecorino gazta: Gazta lehorra eta oso ondua. Ausartu espeziaturen batekin, hala nola ardi-esnearekin eginda dagoen eta boilur beltza txertatuta duen honekin.

4- Gazta freskoa: Ezinbestekoa igurzteko (edo bustitzeko). Gazta fresko, garratz eta, normalean, egin berri on bat ez da azala sortzeko adina denboran ondu.

5- Ahuntz gaztaren erruloa: Frijituta edo ogi-arrailetan pasatuta jateko ohitura zabaldu da, baina gazta mota honetaz berdin edo hobeto gozatzen da gordinik, zapore idorgarria mozorrotzen duen koiperik gabe.

6- Camembertiz: Camembert gaztaren euskal bertsioa. Ardi-esne gordinarekin egiten da, fruta-usaina du, eta zapore sendoxeagoa du heltzen den heinean.

7- Provolone gazta: Gaineratu nahi dituzun espeziak zure provolone gaztari, eta busti!

Zein buffet gustatzen zaizu gehien? Kontaiguzu gure Facebook, Twitter edo Instagram kontuetan.